దర్శనీయ ఆంజనేయ దేవాలయాలు –
46-సూగూరు ఆంజనేయ స్వామి దేవాలయం –హిందూపురం
అనంత పురం జిల్లా హిందూపురానికి నాలుగు కిలోమీటర్ల దూరం లో హిందూపురం బెంగళూరు రహదారిలో సూగూరు అనే గ్రామం ఉంది .ఇక్కడ ఉన్న ఆంజనేయ స్వామినే సూగూరు ఆంజనేయ స్వామి అంటారు .చాలా ప్రాచీన మైన ఆలయం .స్వామి మహా మహిమాన్వితుడు .పెద్ద విగ్రహమే .వాహన చోదకులు ఇక్కడ ఆగి పూజ చేసి సిందూరం పెట్టుకొని వెడతారు .కోరిన కోరికలన్నీ తీర్చే దేవుడు .మొదట్లో చిన్న ఆలయం గా ఉండేది ఇటీవల అన్ని హంగులతో ఆలయాన్ని అభి వృద్ధి చేసి సర్వాంగ సుందరం గా తీర్చి దిద్దారు .దసరా ఉత్సవాలలో ‘’జంబూ సవారి ‘’అనే వాహన ప్రయాణం జరుపుతారు హిందూపురం ,చుట్టుప్రక్కల గ్రామాల వారు విజయ దశమినాడు ఊరు దాటి అంటే సీమోల్లంఘనం చేసి కాలినడకనో బండ్లమీదనో లేక ఇతర వాహనాలలోనో ఇక్కడికి వచ్చి హనుమను దర్శించి వెళ్ళటం సంప్రదాయం గా ఉంది .
యెన్ టి రామా రావు హిందూ పూర్ వచ్చినప్పుడల్లా శ్రీ ఆంజనేయ స్వామిని దర్శించ కుండా వెళ్ళే వాడు కాదు. అలానే చంద్ర బాబు హరికృష్ణ బాలకృష్ణ లు కూడా ఈ స్వామికి విశేష భక్తులు .శ్రీరామ నవమి ఉత్సవాలు వైభవం గా నిర్వహిస్తారిక్కడ ఉట్లమాను ఉత్సవానికి ప్రత్యేకత ఉంది యువతీ యువకులు ఉత్సాహం గా పాల్గొంటారు .దీని తర్వాత రాత్రి తొమ్మిది గంటలకు జరిగే లంకా దహన కార్యక్రమం చూడ దగిన మరో ముఖ్యమైనది .శివకాశి నుంచి ప్రత్యేకం గా టపాకాయలు తెప్పించి వివిధ రకాలుగా అమర్చి గంటల కొద్దీ కాలుస్తారు .నాగుబాము ఆకారం స్వాగతం ఆకారం ,తో చూడటానికి బహు ముచ్చటగా ఉంటాయి .నింగి కెగిరే టపాసుల సందడి వెలుగు రవ్వలు కళ్ళకు జిగేలుమనిపిస్తాయి .ఉడిపికి చెందిన కళాకారులు యక్ష గానం నిర్వహించి ఆకర్షిస్తారు .
శ్రీరామ నవమి రోజున శ్రీ ఆంజనేయ స్వామి మూల విరాట్ కు కు సుప్రభాత సేవ చేసి ,మహాభిషేకం విశేష పుష్పాలంకార పూజ నిర్వహించి వజ్రకవచ ధారణ చేస్తారు వెండి కిరీటాన్ని అలంకరిస్తారు .తర్వాత ఆంజనేయ సీతారామ ఉత్సవ విగ్రహాలను ప్రత్యెక వేదిక పై ఉంచి సీతారామ కల్యాణాన్ని వేదం మంత్రోచ్చారణ మధ్య పరమ వైభవం గా నిర్వహిస్తారు .
సువర్చలా సహిత ఆంజనేయస్వామి దేవాలయం ఉయ్యూరు 