ఉయ్యూరు శ్రీ సువర్చలాంజనేయ స్వామి దేవాలయం లో 20-7-19 శనివారం ఉదయం శ్రీ శాకంబరి పూజ చిత్రాలు

ఉయ్యూరు శ్రీ సువర్చలాంజనేయ స్వామి దేవాలయం లో 20-7-19 శనివారం ఉదయం శ్రీ శాకంబరి పూజ చిత్రాలు

 

https://photos.google.com/share/AF1QipPxD9YNMwATiOhB0vvLBwF8b9L6FJeUGawTjVFa2KPtRa0JwUTZGnsogC2hTidnGw?key=VlFNUWFZZDlQeEstMlp4S3NxVnBaNUZWd29ySldB

ప్రకటనలు

శ్రీ సువర్చలాంజనేయ  దేవాలయం లో రేపు శాకాంబరీ పూజ 

శ్రీ సువర్చలాంజనేయ  దేవాలయం లో రేపు శాకాంబరీ పూజ

ఉయ్యూరు శ్రీ సువర్చలాన్జనేయస్వామి దేవాలయం లో రేపు20-7-19 శనివారం ఉదయం 9 గంటలకు వివిధ కాయగూరలతో శాకాంబరీ పూజ నిర్వహించబడును భక్తులు విశేషంగా పాల్గొని తరించప్రార్ధన -గబ్బిట దుర్గాప్రసాద్ -ఆలయ ధర్మకర్త మరియు భక్త బృందం 

image.png

శ్రీ హనుమజ్జయంతి కార్యక్రమం

 శ్రీ హనుమజ్జయంతి కార్యక్రమం

శ్రీ సువర్చలా౦జనేయ స్వామి దేవాలయం –ఉయ్యూరు

శ్లోకం –‘’సువర్చలాధిష్టిత వామ భాగం –నిరస్త కందర్ప సురూప దర్శనం

      భాను ప్రభం రాఘవ కార్య దక్షం –అస్మత్ కులేశం శ్రీ హనూమంత మీడే’’.

ఉయ్యూరు  రావి చెట్టు బజారులో వేంచేసి యున్న శ్రీ సువర్చలాంజ నేయ స్వామి దేవాలయం లో శ్రీ వికారి  నామ సంవత్సర వైశాఖ బహుళ దశమి  బుధవారం  29- 5 -20 19 న శ్రీ హనుమ జ్జయంతి సందర్భంగా మూడు రోజులు (త్రయాహ్నికంగా) స్వామి వారలకు అభిషేకాలు ,మల్లెపూలు మొదలగు వివిధ పుష్పాలతో ,గంధ సింధూరం ,మామిడి పండ్లు ,తమలపాకులతో విశేష పూజలు ,శాంతి కల్యాణము నిర్వహి౦ప బడుతాయి.భక్తులు విశేషంగా పాల్గొని , తీర్ధ ప్రసాదాలు స్వీకరించి, స్వామి వారల కృపకు పాత్రులు కావలసినదిగా ప్రార్ధన .

                   కార్య క్రమం

             27-4-2019 –సోమవారం

ఉదయం 5 గం.లకు అష్ట  కలశ స్థాపన  -‘’దుర్భిక్ష నివారణ’’కు మన్యుసూక్తం తో అంగన్యాస ,కరన్యాసాలతో ,మిరియాలపొడి ,తేనె లతో స్వామి వారలకు మైపూత ,అభిషేకం  -అనంతరం నూతన వస్త్ర ధారణ

సహకారం –శ్రీ స్వర్ణ కేశవ పూర్ణ చంద్ర శర్మ  –అర్చకులు ,కుమ్మమూరు

 ఉదయం 9 గం .లకు మల్లెపూలు ,వివిధ రకాల పుష్పాలతో విశేష అర్చన

   సాయంత్రం -6-30గం.లకు)-సుందర కాండ లో శ్రీ హనుమ వీర ,విక్రమ ,పరాక్రమ ,బుద్ధి,శ్రీరామభక్తి  విశేషాలు –ప్రసంగం డా .శ్రీ వేదాంతం శ్రీధరాచార్యులు

                28-5-2018 –మంగళవారం

ఉదయం -9గం .లకు – గంధ సింధూరం -మామిడి పండ్లు ,వివిధ ఫలాలతో విశేష పూజ

  సాయంత్రం -6-30.గంనుండి రాత్రి 7గంటలవరకు

–శ్రీ హనుమ గాన విశేషం –దార్మికప్రసంగం –శ్రీ టేకుమళ్ళ వెంకటప్పయ్య –విజయవాడ

రాత్రి 7 గం నుండి 8గం వరకు -భక్తి సంగీత విభావరి

               నిర్వహణ –శ్రీమతి టేకుమళ్ళ చిదంబరి –రేడియో టి.వి.గాయకురాలు –విజయవాడ  ,మరియు స్థానిక గాయనీ గాయకులు  – పోపూరి శైలజ ,,శ్రీమతి గూడ మాధవి ,  కుమారి బిందు దత్తశ్రీ మొదలైనవారు .

   29 -5-2019 బుధవారం – వైశాఖ  బహుళ దశమి –శ్రీ హనుమజ్జయంతి

                  ఉదయం 5 గం నుండి -9 గం .ల వరకు –తమలపాకులతో  (నాగవల్లీ )విశేష పూజ

ఉదయం -9-30 గం నుడి 12 గం వరకు  –శ్రీ సువర్చలాంజనేయ స్వామి వారలకు –శాంతి కల్యాణ  మహోత్సవం .

   సాయంత్రం -6 గం.లకు –‘’కాలనీ మహిళా మండలి’’ వారిచే  శ్రీ హనుమాన్  చాలీసా పారాయణ ,భజన

 రాత్రి 7 గం.లకు –శ్రీ స్వామి వారలకు ‘’వడ మాల ‘’తో  ప్రత్యేక అర్చన

                    అందరికీ ఆహ్వానం

                            గబ్బిట దుర్గా ప్రసాద్ –ఆలయ ధరకర్త-16-4-19-ఉయ్యూరు

                           మరియు భక్త బృందం

పూర్తి వివరాలతో మురించబడిన ఆహ్వానం మే  నెల రెండవారం లో అందజేయబడును

శ్రీ  సువర్చలాన్జనేయ దేవాలయం లో శ్రీ సీతారామకళ్యాణం 

శ్రీ  సువర్చలాన్జనేయ దేవాలయం లో శ్రీ సీతారామకళ్యాణం

 ఉయ్యూరు శ్రీ సువర్చలాన్జనేయ స్వామి దేవాలయం లో చైత్ర శుక్లనవమి శనివారం 13-4-19ఉదయం 9-30గంటలకు శ్రీ సీతారామ శాంతికళ్యాణం  నిర్వహించబడుతుంది .భక్తులు విశేషంగా పాల్గొని స్వామి వార్ల కృపకు పాత్రులై ,తీర్ధ ప్రసాదాలు  కళ్యాణ అక్షింతలు స్వీకరించప్రార్ధన
                                               గబ్బిట దుర్గాప్రసాద్ -ఆలయ ధర్మకర్త

                                               మరియు భక్తబృందం

image.png

మార్తాండ సూర్య దేవాలయం –కాశ్మీర్

క్రీ.శ.8 వ శతాబ్దికి చెందిన కాశ్మీర్ లోని మార్తాండ సూర్య దేవాలయం ఒకప్పుడు గొప్ప వైభవ చిహ్నంగా ఉండేది .అనంతనాగ్ కు కేవలం 5కిలోమీటర్లలో ఈ  ఆలయం ఉన్నది .సుల్తానుల రాజు సికందర్ బుక్షిఖాన్ 15వ శతాబ్దిలో ఈ ఆలయాన్ని పూర్తిగా ధ్వంసం చేశాడు .ఆలయ విధ్వంసానికి ఏడాదికాలం పట్టింది అంటే ఎంతటి బృహత్తర నిర్మాణమో .తెలుస్తుంది .

 కర్కోటక రాజ వంశానికి చెందిన మూడవరాజు  లలితాదిత్య ముక్తాపీడుడు క్రీ.శ.725-756కాలం  లో ఈ ఆలయాన్ని నిర్మించాడు .ఆలయ పునాది క్రీ.శ.370-500లనాటిదని,రణాదిత్యరాజు  ప్రారంభించాడని  అంటారు .పీఠభూమి పైభాగం లో ఆలయం నిర్మించారు .ఇక్కడి నుండి చూస్తే అందమైన కాశ్మీర్ లోయ అంతా కనిపించేట్లు నిర్మాణం చేశారు .అక్కడి శిధిలాలను చూస్తె గొప్ప కాశ్మీర శిల్ప నిర్మాణానికి ఆశ్చర్యపోతాం .ఇందులో గాంధార ,గుప్త ,చైనా ,రోమన్ ,సిరియన్ ,బైజాంటిన్ గ్రీక్ ,తరహా శిల్పకళ అంతా సమ్మిశ్రమమై కను విందు చేస్తుంది .

  విశాలమైన ప్రాంగణం లో మధ్యభాగం లో ప్రాదానమూర్తి అయిన సూర్య దేవుడైన మాత్రాండ దేవాలయం దానికి అనుబంధంగా 84 చిన్న దేవాలయాలు మొత్తం 222అడుగుల పొడవు 142అడుగుల విశాల స్థలం లో చేసిన నిర్మాణాలివి .ప్రధాన శైలి అంతా కాశ్మీర శైలిలో  మిగిలినవన్నీ అనేక శిల్ప రీతులతో నిర్మించబడినాయి .ఆలయ ప్రధానలేక ప్రవేశ  ద్వారం పడమటి వైపు ఉంటుంది .దీని వెడల్పు ఆలయం వెడల్పు తో సమానంగా ఉండి,అద్భుతమైన కళాఖండంగా దర్శనమిస్తుంది .ఈ ముఖ ద్వారమే చెబుతుంది ఆలయం యొక్క విశిష్టత ఏమిటో .ముఖ్యాలయం పైన పిరమిడ్ ఆకారపు గోపురమున్నట్లు భావిస్తారు .ఇలాఉండటం  కాశ్మీర్ లోని ఆలయాలకు సహజ ప్రత్యేకత .ఆలయ గోడలపై  చెక్కబడిన శిల్పాలు ఆయా దేవీ దేవతలా ప్రత్యేకతలను రూపు దాల్చినట్లు కనిపిస్తాయి .సూర్యునితో పాటు గంగా ,యమునా విగ్రహాలుకూడా ఉన్నాయి .ఇదంతా గత వైభవం .

  ప్రస్తుతం మార్తాండ దేవాలయం  టూరిస్ట్ స్పాట్ గా ,సినిమా షూటింగ్ లకు కేంద్రంగా ఉంది .ఆర్కిలాజికల్ సర్వ్ ఆఫ్ ఇండియా ఈ మార్తాండ దేవాలయాన్ని జమ్మూ కాశ్మీర్ లో జాతీయ ప్రాముఖ్యత గల ప్రదేశంగా ప్రకటించి రక్షిస్తున్నారు .ఇప్పుడు దర్శనమిచ్చే శిధిలాలు ఆనాటి మార్తాండ తేజస్సుకు మసక బారిన ఆనవాళ్ళు అనిపిస్తుంది .

  మీ –గబ్బిట దుర్గాప్రసాద్ -26-2-19-ఉయ్యూరు

 

image.png

దర్శనీయ శివాలయాలు 152-ఇనుమును బంగారంగా మార్చే స్పర్శ లింగం –గలగనాథ(కర్ణాటక)

దర్శనీయ శివాలయాలు

152-ఇనుమును బంగారంగా మార్చే స్పర్శ లింగం –గలగనాథ(కర్ణాటక)

‘’శ్రీవేంకటేశ  గలగనాధకాదంబరి పితామహ ‘’అని కీర్తించబడిన  కవిసార్వభౌముడు  శ్రీనాధుడు  ఇక్కడే జీవితంలో ఎక్కువ కాలం గడిపాడు .ఇక్కడే అనేక రచనలు చేసి ప్రజలకు దగ్గరై, ప్రభువుల ప్రసన్నత పొందాడు .కర్ణాటక లో హవేరి జిల్లా లో గలగనాథ అనే చిన్నగ్రామంలో ఉన్న ఈ ఆలయాన్ని 11వ శతాబ్ది చాళుక్యరాజు నిర్మించాడు . తుంగభద్రానదీ తీరం లో ఉన్న ఈ ప్రాచీన క్షేత్రాన్ని   గలగనాథ స్పర్శలింగ మహా క్షేత్రం అంటారు .ప్రపంచం లో ఏ శివాలయం లోని శివలింగానికీ లేని దివ్యశక్తులు ఇక్కడి స్పర్శలింగానికి ఉన్నాయి .ఇనుమును తీసుకొచ్చి ఈ లింగానికి తాకిస్తే బంగారంగా మారిపోతుంది .చూడటానికి తిరివిడి ఆకారం లో ఉన్న ఈ ఆలయాన్ని  శిల్పులు శివ సిద్ధాంత పరంగా ఎన్నో విధాలుగా తీర్చి దిద్దారు .తుంగ భద్ర లో స్నానం, గలగలేశ్వర దర్శనం ముక్తి హేతువుఅని భక్తుల విశ్వాసం.

image.png

  ఆలయ సభా మండపం అత్యంత విశాలమైనది కావటం తో అప్పటినుంచీ ఇప్పటిదాకా భక్తులు వెల్లువలాగా వస్తూనే ఉన్నారు .స్వామికి ఉన్న ఈ మహాత్మ్యాన్ని కాష్ చేసుకోవటానికి చుట్టు ప్రక్కల రాజులు, బయటి దేశపు రాజులు ఈ క్షేత్రం పై చాలా దాడులు చేశారు .ఆల్కెమీ అనే స్పర్శ శాస్త్ర సిద్ధాంతాన్ని ఈ లింగానికి అన్వయించారు .’’ఫిలాసఫర్స్ స్టోన్’’తో ఈ శివలింగాన్ని నిర్మించారని,అందుకే లింగానికి అతీత శక్తులేర్ప    డి నాయని కొందరు  భావిస్తారు.లింగానికున్న ప్రత్యేకతను కాపాడటానికి కొన్ని ఆయుర్వేద ఔషధాలు ఓషధుల లేపనాలు పూశారని అందుకే ఇప్పుడు అప్పటిలాగా ఇనుమును బంగారంగా మార్చే శక్తి కోల్పోయినదని చెబుతారు  .

image.png

  ఎందరెందరో మహాకవులు ,సంగీత వేత్తలు ఈ స్వామి సన్నిధిలో రచనలు చేసి గానం చేసి స్వామి కృపకు పాత్రులలైనట్లు ఆలయ శిలాశాసనాలు తెలియ జేస్తున్నాయి .అందులో 32రాగాలలో దిట్ట అయిన ముఖారి బ్రహ్మయ్య అనే సంగీత విద్వాంసుని గురించి ప్రత్యేకంగా ఉన్నది .ఆలయం అంతా  చాళుక్య శిల్పకళా జ్యోతి ప్రకాశమానంగా ఉంటుంది .గలగనాథ క్షేత్రం   బెంగుళూరు నుంచి 360,హవేరికి 30కిలో మీటర్ల దూరం లో ఉంది .

  సశేషం

మీ-గబ్బిటదుర్గాప్రసాద్ -24-2-19-ఉయ్యూరు

.

.