దర్శనీయ దైవ క్షేత్రాలు శ్రీ త్రికూటేశ్వర స్వామి -కోటప్పకొండ

దర్శనీయ దైవ క్షేత్రాలు

శ్రీ త్రికూటేశ్వర స్వామి -కోటప్పకొండ

‘’ఏ దయ వలన దుహాలన్నీ సంపూర్ణంగా నశించి శాశ్వతానంద కైవల్య సిద్ధి లభిస్తుందో ఆ దయను దాక్షిణ్యం అంటారు .దీన్ని కల దైవమె దక్షిణా మూర్తి .ఆ దక్షిణా మూర్తి స్వరూపమే గుంటూరు జిల్లాలో ఉన్న కోటప్ప కొండ పై త్రికూటేశ్వర స్వామి .సర్వ సంపదలు ,మనశ్శాంతి ,సత్సంతానం ప్రాసాదించే వాడు త్రికూటేశ్వరుడు .త్రికూటేశ్వర నామ స్మరణమే మోక్షదాయకం అని అగస్త్య మహర్షి అభి వర్ణించాడు .నరసరావు పేట కు పద్నాలుగు కిలో మీటర్ల దూరం లో ఎల్ల మంద ,కొండ కావూరు మధ్య ఉన్న పర్వతాన్ని ‘’త్రికూటాచలం ‘’లేక  ‘’కోటప్ప కొండ’’అంటారు.1857అడుగుల ఎత్తు ,1500ఎకరాల వైశాల్యం ,పన్నెండు కిలో మీటర్ల చుట్టుకొలత ఉండి కోటి ప్రభా భాసమానమైన దివ్య విరాజిత క్షేత్రం కోటప్ప కొండ  . ఏ వైపు నుంచి చూసినా మూడు శిఖరాలు కనిపిస్తాయి .అవి బ్రహ్మ విష్ణు మహేశ్వర ప్రతి రూపాలు .త్రిమూర్త్యాత్మక దక్షిణామూర్తి అవతారమే త్రికూటేశ్వర పరమేశ్వరుడు .దేవ ,మానవ సేవితమై ముక్తి దాయుడైన ఈ స్వామిని ‘’ఎల్లమందేశ్వరుడు ‘’’కావూరి త్రికోటేశ్వరుడు ‘’,కోటప్ప ,కోటయ్య అని భక్తితో పిలుచుకొంటారు ఇక్కడ  ధ్వజస్తంభం, అమ్మవారు లేకపోవటం ,కల్యాణం జరక్క పోవటం ప్రత్యేకతలు .ఈ కొండపై కాకులు వాలక పోవటంవింతలలో వింత .ఈ కొరతను  తీర్చటానికా అన్నట్లు కోతులు మాత్రం అసంఖ్యాకం.జాగ్రత్తగా ఉండక పొతే చేతిలోని వన్నీ ‘’హనుమార్పణమే ‘’  .

త్రికూటేశ్వర ఆవిర్భావం

దక్షయజ్న విధ్వంసం చేసి లయ కార శివుడు శాంతి పొంది యోగ నిష్ట తో పన్నెండేళ్ళ వటువుగాదక్షిణా మూర్తి గా త్రికోటాద్రి  పై ఉంటూ మధ్య శిఖరమైన రుద్ర శిఖరాన బిల్వ వనం లో వట వృక్షం కింద బ్రహ్మాసనస్తితుడై దేవ ,ముని యక్ష కిన్నరాదులచే సేవింప బడుతున్నాడు .రుద్ర శిఖరానికి ఈశాన్యం లో ఒక శిఖరం ఉంది .దాన్ని’’ గద్దల బోడు  ‘’అంటారు బోడుఅంటే శిఖరం .శివుడిని ఆహ్వానించ కుండా  దక్షుడు చేసిన యజ్ఞానికి తాము హాజరైన హవిర్భాగాన్ని తినటం వలన కలిగిన దోషాన్ని విష్ణువు మొదలైన దేవతలు నివా రించుకోవటానికి ఇక్కడ శివునికో సం  తపస్సు చేశాడు .శివుడు మెచ్చి దర్శనమిచ్చి తన త్రిశూలం తో శిఖరాన్ని పొడిచి జలాన్ని ఉద్భవింప జేసి తాను  వారి అభ్యర్ధన మేరకు అక్కడే ఉండిపోయి అనుగ్రహించాడు .ఆ శివజాలం లో సస్నానం చేసి విష్ణువు  మున్నగు దేవతలు పాప విముక్తులయ్యారు .ఈ జలాన్ని పాప వినాశనతీర్ధమని ,ఈ శివుని’’ పాప వినాశక లింగ మూర్తి ‘’అని అంటారు .కార్తీక ,మాఘ మాసాలలో ఇక్కడి జలం లో స్నానించి  ఈ శివుని దర్శిస్తే మోక్షమే .

సోపాన మార్గాలు

ఇంతటి దివ్య మహిమ కలిగిన త్రికూటాచలాన్ని ఎక్కటానికి మూడు దారులున్నాయి .పాప వినాశన స్వామి గుడీ పడమరగా ఉన్న మెట్ల ద్వారా పైకి ఎక్కి చేరచ్చు .ఇదే ఏనుగుల బాట లేక ఎల్ల మంద సోపానం .దీనిని శ్రీ మల్రాజు నరసింహరాయణి నిర్మింప జేశారు ..ఆ నాటి ఆంద్ర ప్రదేశ్ హోమ్  శాఖామంత్రి  శ్రీ కోడెల  శివ ప్రసాద రావు భక్తుల అభ్యర్ధన మేరకు ఘాటు రోడ్డును నిర్మించటానికి పూనుకొని   ఆ నాటి ముఖ్య మంత్రి శ్రీ  యెన్ .టి .రామారావు తో  శంకుస్థాపన చేయించి అతిత్వరగామూడు కోట్ల రూపాయలతో  నిర్మింపజేసి 10-2-1999 న ముఖ్యమంత్రి శ్రీ నారా చంద్ర బాబు తో ఆవిష్కరింప జేశారు .కోడెల ను అందరూ అభినందిస్తున్నారు ..

ఆలయ పునర్నిర్మాణం

శ్రీ శృంగేరి పీఠాదిపతులు శ్రీశ్రీ భారతీ మహా తీర్ధ స్వామి వారు డెబ్భై లక్షల ఖర్చుతో ఆగమ విధానం లో కోటప్ప కొండఆలయ పునర్నిర్మాణం జరిగింది .ముఖ్య మంత్రి చంద్ర బాబు ఘాటు మార్గం ద్వారా విచ్చేసి దీన్ని ప్రారంభించారు .              స్థల పురాణ విశేషాలు

త్రికూట పర్వతాలలో మధ్యమ శిఖరం పై శ్రీ కోటేశ్వర లింగం ఉంది .కొత్త ఆలయం దక్షిణ భాగం లో గణనాధుని గుడి ,పడమర ‘’సాలంకేశ్వరాలయం ‘’ఉత్తరాన ‘’సంతాన కోటేశ్వర లింగం ‘’,ఎడమ బాగాన బిల్వ వృక్షం కింద ‘’మార్కండేయ లింగం ‘’,తూర్పు మండపం లో నందీశ్వరుడు ,దీనికి తూర్పున ‘’అడవి రామ లింగం ‘’,వెనక లింగ మూర్తి తూర్పున దుర్గా, భైరవులు ,గర్భాలయం లో ద్వార పాలురు ఉంటారు .సోపాన మార్గ ప్రారంభం లో కింద తలనీలాలను సమర్పించే ప్రదేశాన్ని ‘’బొచ్చు కోటయ్య ‘’గుడి అంటారు .కొండ కింద నీల కంఠేశ్వర స్వామి ,దీనికి నైరుతిన వాసు దేవానంద సరస్వతి స్వాముల వారు కాశీ  నుంచి తెచ్చిన శివలింగం ఉన్నాయి.ఈ క్షేత్రం లో దైవ నిర్మితమైన దోనెలు ఎన్నో ఉన్నాయి .దిగువ దోనేలలో ఎద్దడుగు దోన   ,పుర్ర చేతి దోన ,ఉబ్బు లింగయ్య దోన ,పాలదోన ,లో భక్తులు స్నానాలు చేస్తారు .ఇక్కడే తపస్సు చేసుకోవటానికి ఎన్నో గుహలు అనుకూలం గా ఉన్నాయి  .త్రికూటానికి  దక్షిణాన ఒగేరు లేక ‘’ఓంకార నది’’ ప్రవహిస్తోంది .చేజెర్ల లో శిబి చక్ర వర్తి లింగైక్యం  చెందిన కోటేశ్వర లింగానికి సమస్త దేవతలు ,సిద్ధ సాధ్యాదాదులు మహర్షులు ఓంకారం  తో అభిషేకించిన  జలం కపోతేశ్వర స్వామి గుడి వెనక నుండి బయల్దేరి కోటప్ప కొండ దగ్గర ప్రవహించి సముద్రం లో కలుస్తుంది .భక్తులు ముందుగా విష్ణు శిఖరం లోని పాప వినాశన తీర్ధం లో స్నానం చేసి లింగ మూర్తిని పూజించి ,గొల్ల భామను దర్శించి తర్వాత త్రికూటేశ్వర లింగ దర్శనం చేయటం విధానం .శ్రావణ మాసం లో రుద్ర శఖరాన్ని కార్తీక మాసం లో విష్ణు శిఖరాన్ని ,మాఘం లో బ్రహ్మ శిఖరాన్ని దర్శించి మహా లింగార్చన చేసి ప్రాచీన ,నూతన కోటేశ్వర స్వాముల దర్శనం చేసి తరించాలి .కోటప్ప కొండ అపర కైలాసం అని అచంచల విశ్వాసం ..

చరిత్ర ప్రసిద్ధి

కోటప్ప కొండ దేవుడికి వెయ్యేళ్ళ పై బడి  చరిత్ర ఉంది .ఇక్కడి దాన శాసనాలలో వెలనాటి గొంక రాజు ,వెలనాడు చాళుక్య భీమ రాజు ,వెలనాటి కులోత్తుంగ చోళుడు ,వెలనాటి రాజేంద్రుడు పేర్లున్నాయి .కృష్ణ దేవరాయలు ,మల్రాజు వెంకట నారాయణి ,వాసిరెడ్డి వెంకటాద్రి నాయుడు మొదలైన రాజులు జమీందార్లు స్వామికి విలువైన మాన్యాలు రాసి సమర్పించారు .

త్రికూటాచల మహాత్మ్యం

ఎల్లమంద గ్రామానికి చెందిన ఎల్ల ముని మంద లింగ బలిజ కులానికి చెందిన మహా భక్తుడు .అడివికి వెళ్లి కట్టెలు కొట్టి అమ్మి జీవించేవాడు .ఒక రోజు మధ్యమ లింగాన్ని పూజించి ,మర్నాడు తమ్ములతో విష్ణు శిఖరాన్ని చేర గా కుండపోతగా గాలీ వర్షం కురిసింది .దగ్గరలోని గుహలో తల దాచుకొన్నారు .అక్కడ ఒక ధనం ఉన్న బిందె అనిపించింది .దాన్ని తీసుకొని సాలంకయ్య రుద్ర శిఖరం లో ఒక జంగమయ్య ప్రత్యక్షం కాగా ఆయన్ను రోజూ  పూజించే వాడు .కొద్ది కాలం తర్వాత  జంగమయ్య అదృశ్యమైనాడు .సాలంకయ్య వేదన చెంది వెదికి వేసారి   నిరాహార దీక్ష చేసి బ్రహ్మ శిఖరం చేరి ఆక్కడున్న గొల్లభాము తన బాధ తెలిపుదామని వెతికితే ఆమెకూడా కనిపించలేదు . బ్రహ్మ శిఖరం లో ఒక గుహను చేరగానే ‘’నేను నీవిందు ఆరగించాను .నీ వాడిని .పరమేశ్వరుడిని .గొల్లభాము మోక్షమిచ్చాను .నేనిక్కడే ఉంటాను .ఇక్కడ ఒక ఆలయాన్ని కట్టించు .త్రికూటేశ్వర లింగ రూపం లో అర్చించు .మహా శివ రాత్రి నాడు ఓంకార నదిలో స్నానం చేసి నన్ను అభిషేకించాలి .జాగరణ చేసి ప్రభలను కట్టి వీరంగం మొదలైన వాయిద్యాలతో మర్నాడు అన్నదానం చేయాలి .అప్పుడు నువ్వు శివైక్క్యం  చెందుతావు’’అని చెప్పి జంగమ దేవర అదృశ్యమైనాడు .

సాలంకుడు యోగి ఆదేశం తో గుడికట్టించి ,త్రికూటేశ్వర  లింగాన్ని ప్రతిష్టించి గొల్ల భామకు(ఆనంద వల్లి ) వేరుగా గుడి కట్టించి భక్తితో పూజించాడు  పడమర మరో ఆలయం కట్టించి  అక్కడ శివ పార్వతీ కళ్యాణ మహోత్సవాలు చేయాలని భావించాడు అప్పుడు దివ్య వాణి ‘’ఇది బ్రహ్మ చారి దక్షిణామూర్తి క్షేత్రం. ఇక్కడ కళ్యాణాలు నిషిద్ధం ‘’అని విని పించింది .సాలంకుడు ప్రతిష్ట కోసం తయారు చేయించిన పార్వతీ విగ్రహం మాయ మైంది .విరక్తి చెందిన సాలముడు దేహ త్యాగం చేయ నిశ్చయించి యోగబలం తో  లింగైక్యంచెందాడు .అతని తమ్ములు కూడా లింగైక్యం చెందారు . వీరు బ్రహ్మ ,విష్ణు ,మహేశ్వర లింగాలుగా ,సాలంకయ్య ‘’సాలంకేశ్వరుడు ‘’గా ఆయన ప్రతిష్టించిన లింగం ‘’కోటేశ్వర లింగం ‘’గా బ్రహ్మ శిఖరాన వెలిసి ఈ క్షేత్రం ‘’పంచ బ్రహ్మ స్థాన క్షేత్రం ‘’గా పేరు పొందింది .

ఆనంద వల్లి (గొల్లభామ )

త్రికూటాచల దక్షిణాన  ‘’కొండ కావూరు ‘’ గ్రామం లో యాదవ వంశం లో సుందరి  సునందలకు గారాల బిడ్డగా ‘’ఆనంద వల్లి ‘’జన్మించింది .చిన్న నాటి నుంచే శివ భక్తిలో లీన మయ్యేది .రుద్రాక్షమాలలు ధరించేది .ఆధ్యత్మిక భావాలను బోధించేది .ఒక శివ రాత్రి నాడు ఆమె ఓంకార నదిలో స్నానం చేసి రుద్ర శిఖరం చేరి త్రికూటేశ్వరుని దర్శించి ,బిల్వ వృక్షం కింద తపస్సులో ఉండగా ,సాలంకయ్య కు దర్శన మిచ్చిన  జంగమయ్య కు  ఆవుపాలు ఇచ్చి మిగిలింది తను తాగుతూ శివ నామ స్మరణం తో గడిపేది .సాలంకయ్యకు జంగమ స్వామి కనపడక తిరుగుతూ గొల్లభామ దగ్గరకు వచ్చి తన మనవిని జంగమ స్వామికి తెలియ జేయమని వేడుకొన్నాడు .గొల్లభామ దీక్షతో శివార్చన చేసేది .ఒకరోజు నెత్తిన తీర్ధ జలాన్ని పెట్టుకొని శ్రమతో జంగమయ్య ను  దర్శించినప్పుడు ఒక కాకి నెత్తిమీది కలశం పై వాలగా పాలు నేల పాలయ్యాయి .కోపించిన ఆనంద వల్లి ‘’ఈ రోజు నుండి ఈ కొండపై కాకులు వాల కుండా ఉండుగాక ‘’అని శపించింది .ఆమె భక్తీ కి సంతసించి జంగమయ్య ప్రత్యక్షమై శివైక్యాన్ని  ప్రసాదించాడు

విశిష్ట సేవా విధానం

శ్రీ త్రికూటేశ్వరాలయం లో .ఎప్పుడూ అఖండ దీపారాధన ,అభిషేకాలు పూజలు జరుగుతాయి .శివ రాత్రి ఉత్సవానికి ఇక్కడికి కుల మత భాషా ప్రాంత భేదాలు లేఉండా అశేష జనం వస్తారు .మహా ఎత్తైన ప్రభలు కట్టుకొని రావటం ఇక్కడ ప్రత్యేకత . అందుకే  ఏదైనా ఎత్తుగా ఉంటె ‘’కోటప్ప కొండ ప్రభ ‘’అఅనటం  అలవాటైంది .మాఘ మాసం లో పశువులతో ప్రదక్షిణ చేసి స్వామిని  సేవిస్తారు .తడి బట్టలతో చిన్న చిన్న ప్రభలను భుజాన పెట్టుకొని గరి నెక్కిప్రదక్షిణ చేస్తారు .సంతాన హీనులు ,భూత ప్రేత పిశాచాదుల బారిన పడిన వారు  నేత్ర ద్రుష్టి కోల్పోయిన వారు కోటేశ్వర స్వామి ప్రదక్షిణ చేసి దర్శించి మనోభీస్టాన్ని నేర వేర్చుకొంటారు ..

కోటి ప్రభల కోటేశ్వరుడు

కొండ కింద ప్రసన్న కోటేశ్వరుడు  నీల కంఠేశ్వరుడు మొదలైన ఆలయాలున్నాయి .అన్నదాన సత్రాలున్నాయి .శివరాత్రికి అన్నికులాల వారికి అన్నదానం జరుగుతుంది .శివ రాత్రి తిరునాళ్ళు పరమ వైభవం గా నిర్వహింప బడుతాయి .నెల రోజుల ముందు నుంచే ఏర్పాట్లు ప్రారంభమవుతాయి .’’శివరాత్రి నాడు లింగోద్భవ సమయం లో కోటిన్నోక్క ప్రభలతో  నా కొండకు వచ్చే భక్తుల కోసం నేను కొండ దిగి వచ్చి  దర్శనం  అనుగ్రహిస్తాను ‘’అని కోటేశ్వరుడు అభ్యమిచ్చినట్లు భక్తులు విశ్వసిస్తారు .శివుడికి ఇష్టమైన వెదురు గడలతో ప్రభలను నిర్మించి ,అనేక చిత్ర విచిత్ర పటాలను అలంకరించి విద్యుద్దీపాలతో వెలుగులు వెలయింప జేస్తూ కోటప్ప కొండకు తిరునాళ్ళకు వస్తారు .కాని ఇన్నేళ్ళుగా ప్రభలు కట్టినా కోటి న్నొక ప్రభ సంఖ్య కాలేదట ఎప్పటికప్పుడు ఒక ప్రభ తగ్గుతోందట .ఆ లేక పూర్తీ అయితే ప్రళయం వచ్చి స్వామి ఇందికి దిగివస్తాడని నమ్ముతున్నారు .‘’చేదుకో కోటేశ్వరా ,చేదుకొని మమ్మాదరించవయ్యా ‘’అని భక్తీ తో ఆర్తితో వేడుకొంటూ హరహర మహాదేవ స్మరణతో దిక్కులు పిక్కటిల్లిపోతాయి .ఎడ్ల పందాలు ,చిత్రమైన ఆటలు కోలాటాలు  నృత్య గీతాలతో ,రంగుల రాట్నాలతో ప్రాంగణం అంతాశోభాయమానం గా కనిపిస్తుంది పశువులతో గిరి ప్రదక్షిణ చేసి మొక్కులు తీర్చుకొనే అశేష జన సమూహం ఉత్సాహాన్నిస్తుంది .శివరాత్రి వేడుకల తో బాటు కార్తీక ,మార్గ శిర మాఘ మాసాలలో భక్తులు సామూహిక  బిల్వార్చన ,రుద్రాభిషేం ,రుద్రయాగం జరగటం ఇక్కడి విశేషం .

లింగ ప్రాధాన్యం

సంతానం అపేక్షించేవారు శుచిగా తడి బట్టలతో’’ సంతాన కోటేశ్వర లింగం ‘’కు ప్రదక్షిణాలు చేసి మొక్కుకుంటారు.లింగోద్భవ కాలం లో అర్ధ రాత్రి వరకు తడి బట్టలతోనే శివ పంచాక్షరి జపిస్తూ గడగడ లాడే చలిలో కూడా ఆలయం చుట్టూ సాష్టాంగ దండ ప్రమాణాలు చేయటం వారి మహా భక్తికి విశ్వాసానికి నమ్మకానికి నిదర్శనం .కొత్త కోటేశ్వరాలయం  పైన ఉన్న సెల యేరు దగ్గరున్న మార్కండేయ మహా ముని చేత ప్రతిష్టింపబడిన మార్కండేయ శివ లింగం ఉంది . కైలాసం నుండి సతీవియోగ వికల మనస్కుడై ఇక్కడికి వచ్చి దక్షిణా మూర్తి గా వెలసిన  శివుని వెతుక్కొంటూ ఆయన వాహనమైన బసవన్న ఇకడికి వచ్చి ఘోర తపస్సు చేశాడు .ఆయన అమోఘ తపస్సుకు భంగం కాకుండా పరమేశ్వరుడు ఇక్కడ తాగు నీటికోసం ఒక వాగును ప్రవహింప జేశాడు .అదే ‘’ఎద్దడుగు వాగు ‘’అని పిలువ బడుతోంది .త్రికోటేశుని సన్నిధిలోని ‘’బసవ మందిరం ‘’భక్తులు శివరాత్రి మొదలైన పర్వ దినాలలో పూజలు ,వ్రతాలు ఆచరిస్తారు .ఇక్కడి అసలు దైవం బ్రహ్మ చారి అయిన దక్షిణా మూర్తి కనుక ధ్వజస్తంభ  ప్రతిష్ట లేదు .కళ్యాణ వైభోగం లేదు  అందుకే స్వామిని ‘’బాల కోటేశ్వరుడు ‘’అని ‘’సంతాన కోటేశ్వరుడు ‘’అని అంటారు .

అడవి రామ లింగేశ్వరుడు ,కూకట్ల శంభుడు ,శంభు లింగమ్మ ,నాగమ్మ , వెంకటేశ్వరుడు అనే భక్తులు స్వామిని సేవించి పునీతులైనారు .200ఏళ్ళ నుండి ప్రభలతో మొక్కులు సమర్పించటం ఉన్నదని తెలుస్తోంది .పొట్లూరి గ్రామం నంది వాహనం పై శివుని అలమరించి శివరాత్రి జాగరణ నాడు ప్రభలతో ఆ గ్రామ ప్రజలు అన్ని మెట్లు యెక్కిస్వామిని దర్శించటం ఇప్పటికీ ఆన వాయితిగా వస్తోంది .ఇక్కడి ప్రభలు  ‘’ఈశ్వరుని క్రాంతి ప్రభలకు ‘’నిదర్శనం .ఆహ్లాదానికి  ,ఔన్నత్యానికి సమైక్యతకూ ప్రతీక .40అడుగుల నుండి 100అడుగుల ఎత్తు వరకు ప్రభలు వాటిపై విద్యుత్ కాంతులతో   నిర్మించటం విశేషాలలో విశేషం ‘’.అమావాస్య నాడు పున్నమి’’ సందర్శనాన్ని తలపింప జేస్తుంది .

దక్షిణా మూర్తి దీక్ష

ధనుర్మాసం లో ఆర్ద్రా నక్షత్ర ఉత్సవానికి ముందు నలభై రోజుల పాటు వేలాది భక్తులు శ్రీ మేధా దక్షిణా మూర్తి దీక్షను స్వీకరిస్తారు .దీనికే ‘’కోటప్ప దీక్ష ‘’అని పేరు .నియమ నిష్టలతో భక్తీ విశ్వాసాలతో శివనామ స్మరణ శివ పంచాక్షరీ జపాల తో అభిషేకాలతో సంత్సంఘాలతో ఉపవాసాలతో ఆలయం పులకించిపోతుంది ‘’దక్షినానన దక్షినానన దక్షినానన పాహిమాం –త్రికోటేశ్వర త్రికోటేశ్వర త్రికోటేశ్వర రక్షమాం ‘’అని శివ స్మరణ చేస్తూ ఆలయం అపర కైలాసాన్ని స్పురణ కు తెస్తుంది .మేధా దక్షిణా మూర్తి భక్త సమాజం వారు 46 రోజుల పాటు 35 మంది వేద పండితులతో ‘’మహా రుద్ర యాగ పూర్వా కోటి బిల్వార్చన’’,నిరతాన్న దానాలు ,గోస్టులు  , సాంస్కృతిక కార్యకలాపాలతో కళకళ  లాడుతుంది ప్రాంగణం అంతా  .కోరిన కోర్కేలనుతీర్చేకోటప్ప కొండ త్రికోటేశ్వర స్వామి ని దర్శించి తరిద్దాం .

.’’శివః కారయితాకర్తా-శివో భోజయితా భోక్తా శివః -ప్రీణాతు శంకరః ‘’

Inline image 1   Inline image 2Inline image 3  Inline image 4 Inline image 5Inline image 6

మీ-గబ్బిట దుర్గా ప్రసాద్ -21-11-14-ఉయ్యూరు

వ్యాఖ్యానించండి

Filed under దేవాలయం, Uncategorized

దర్శనీయ దైవ క్షేత్రాలు -పద్మాసనస్త శ్రీ కామాక్షీ దేవాలయం –జొన్నవాడ

దర్శనీయ దైవ క్షేత్రాలు -పద్మాసనస్త శ్రీ కామాక్షీ దేవాలయం –జొన్నవాడ

దర్శనీయ దైవ శేత్రాలు

పద్మాసనస్త శ్రీ కామాక్షీ  దేవాలయం –జొన్నవాడ

నెల్లూరు జిల్లా జొన్న వాడ లో మహా మహితాన్వితమైన శ్రీ ఆమాక్షి దేవాలయం దర్శించా దగిన ముఖ్య క్షేత్రం .తిరుపతికి నూట నలభై కిలో మీటర్ల దూరం లో జొన్నవాడ ఉంది ..అమ్మవారు పద్మాసనాస్తితమై దర్శనమిస్తుంది .పద్మాసనం తామరపువ్వును పోలి ఉండటం విశేషం .యోగ శాస్త్రం లోపద్మాసనం విశిష్టమై ధ్యాన ముద్రకు సూచికగా ఉంటుంది .అమ్మవారి హస్తాలలోఎడమ చేతిలో  చెరకు గడవిల్లు ,పద్మం ,కుడి పై  చేతిలో చిలకను ధరించి ఉంటుంది .ఇవి కాక పాశం ,అంకుశం లను కూడా కలిగి ఉంటుంది .

కామాక్షీ అమ్మవారి ఫాలభాగాన పైన చంద్ర రేఖ ఉండటం మరొఅ ఆకర్షణ .అమ్మవారు గర్భాలయం లో దర్శనమిస్తారు .స్థానిక అతిహ్యం ప్రకారం ఇక్కడ  కామాక్షీ దేవి  సైకత లింగాన్ని చేత ధరించి శివుని వివాహమాడాలని తీవ్ర తపస్సు చేసిందట .ఆమె తపస్సుకు మెచ్చి సంతృప్తి చెందిన శివుడు ప్రత్యక్షమై పార్వతీదేవి మారు రూపైనా ఆమె కోరిక తీర్చి వివాహం చేసుకోన్నాడట.

దక్షిణ కాశీగా వెలుగొందుతున్న జొన్నవాడ పుణ్యక్షేత్రంలో ప్రవహిస్తున్న విత్ర పినాకిని నదిలో స్నానమాచరించిన జలం సేవించిన సర్వ పాపాలు హరిస్తాయని భక్తుల నమ్మకం. ద్వారపయుగంలో ఇంద్రలోకాధిపతి అయిన దేవేంద్రుడు పదవిని కోల్పోయి వృషపర్వుడనే రాక్షసునిచే బాధింపబడ్డాడు. అసురుని వేధింపులు తట్టుకోలేక జొన్నవాడకు చేరిన ఇంద్రుడు పెన్నానదిలో స్నానమాచరించి కామాక్షిదేవి ని  సేవించడంతో పునీతుడవ్వడమేకాకుండా రాక్షసబాధనుంచకూడావిముక్తుడైనాడు.   త్రేతాయుగంలో కుష్ఠువ్యాధిగ్రస్తుడైన అశ్వత్థామ పినాకినిలో స్నానం చేసి స్వస్తత పొందినట్లు పురాణాల ద్వారా తెలుస్తోంది. కవిబ్రహ్మ తిక్కన సోమ యాజి భారత గ్రంథ తెనిగీకరణను ఇక్కడి నుంచే ప్రారంభించి నట్లు చెబుతారు. పురాణ కాలం నుంచి ప్రసిద్ధిచెందిన జొన్నవాడ క్షేత్రం దుర్వాసముని శాపానికి గురై 5శతాబ్ధాలు పూజాపునస్కారాలకు నోచు కోలేదు. దీంతో ఆలయ ప్రాంగణం ఇసుక మేట వేసింది. 13వ శతాబ్ధంలో మనుమసిద్ధి మహారాజు ఆలయ పునరుద్ధరణ గావించి నట్లు తాళపత్ర గ్రంథాల ద్వారా అవగత మవుతుంది. 1969 ఏఫ్రిల్‌ మాసంలో అప్పటి కంచికామకోటి పీఠాధిపతి చంద్రశేఖ రేంద్ర సరస్వతి ఆధ్వర్యంలో అమ్మ వారికి మహాకుంభాభిషేకం నిర్వహించారు. అప్పటి నుంచి జొన్నవాడక్షేత్రం దినదిన ప్రవర్ధమానమై వెలుగొందుతున్నది.

ఆలయంలో శైవాగమ సంప్రదాయ రీతిలో పూజాదికాలను నిర్వహిస్తారు. ప్రతి వైశాఖ బహుళ షష్ఠి నుండి అమావాస్య వరకు స్వామివార్ల వార్షిక బ్రహ్మోత్సవాలు కనులపండువగా జరగుతాయి. 9 రోజుల పాటు నిర్వ హించే ఈ బ్రహ్మోత్సవాలు రాష్ట్ర నలుమూల ల నుండే గాక పొరుగు రాష్ట్రాలైన తమిళ నాడు,మహారాష్ట్ర, ఒడిషాల నుంచి భక్తులు తరలి వస్తారు. ఆలయంలో నిత్యాన్నదాన కార్యక్రమానికి భక్తులే దాతలుగా వ్యవహరిస్తు న్నారు. అవివాహితులు, ఆర్థిక ఇబ్బందులు, అనారోగ్య సమస్యలు, మానసిక రుగ్మతలతో తల్లడిల్లేవారు పావన పినాకినిలో తీర్థ మాడి మూడు రోజుల పాటు ఆలయంలో నిద్రిస్తే అమ్మవారు స్నప్ప దర్శనం ద్వారా కటాక్షించి కోర్కెలు ఈడేరుస్తారని భక్తుల నమ్మిక.

అప్పటి  ప్రాచీన, ప్రసిద్ధ పుణ్యక్షేత్రం కొంత కాలం కాలగర్భంలో కలిసిపోయింది. దుర్వాసముని శాపానికి నది పొంగి ఆలయం నీటమునిగింది. కొంత కాలానికి పశువుల కాపరికి వింతకాంతిలో శివలింగం దర్శనమిచ్చింది. శివలింగం ప్రతిష్ఠాపన జరిగిన మరి కొంతకాలానికి బెస్తవారు విసిరిన వలలో అమ్మవారి విగ్రహం లభించింది. దీంతో శివలింగం పక్కనే అమ్మవారి విగ్రహం ఉంచి మాంసాహారాన్ని నైవేద్యం పెట్టి పూజలు చేసేవారు బెస్తవాళ్లు. అయితే రాత్రిసమయాలలో అమ్మవారి భీకర శబ్దాలతో భయపడిన బెస్తవాళ్లకు ఆదిశంకరాచార్యులు రాకతో ప్రశాంతత లభించింది. మాంసాహార నైవేద్యాన్ని నిషేధించి,వైదికపద్ధతిలో పూజలు జరిపారాయన. నాటినుంచి అమ్మవారు శాంత స్వభావురాలయ్యారు. భక్తుల చీడపీడలను తొలగిస్తూ, వారి కోర్కెలను తీరుస్తూ, స్వప్నదర్శనమిస్తూ భక్తులు కొంగుబంగారంగా విలసిల్లుతున్నారు శ్రీమల్లికార్జునస్వామి, కామాక్షితాయి అమ్మవార్లు.

కొడిముద్ద లేదా ధ్వజప్రసాదం

ఈ సందర్భంగా పూజారులు ధ్వజస్తంభానికి అన్నప్రసాదాన్ని సమర్పిస్తారు. వీరు సమర్పించే ధ్వజప్రసాదం లేదా కొడిముద్ద తిన్న వారికి ఆయురారోగ్యాలు పెంపొందుతాయని, సంతానప్రాప్తి కలుగుతుందని భక్తుల ప్రగాఢ విశ్వాసం. ఈ కొడిముద్దను దక్కించుకోవడం కోసం వివిధ రాష్ట్రాల నుంచి భక్తులు భారీగా బ్రహ్మోత్సవాలకు తరలివస్తారు. ఆరోతేదీన గిన్నెభిక్ష జరుగుతుంది. శివుడు భవతీభిక్షాందేహీ అంటూ భిక్షాటన చేసినందుకు గుర్తుగా ఈ గిన్నెభిక్ష ఉత్సవాన్ని నిర్వహించనున్నారు. బ్రహ్మోత్సవాల్లో ప్రధాన అంశమైన రథోత్సవం ఏడోతేదీ ఉదయం జరగనుంది. అదేరోజు రాత్రి గజసింహవాహనంపై స్వామి,అమ్మవార్లు భక్తులకు దర్శనమిస్తారు. ఎనిమిదో తేదీ ఉదయం స్వామి, అమ్మవార్ల కల్యాణోత్సవం నిర్వహించనున్నారు. తొలుత స్వామివారిని ఓ వైపు, అమ్మవారిని ఓ వైపు ఉంచి ఎదుర్కోలమహోత్సవాన్ని నిర్వహిస్తారు. అందరూ సుఖసంతోషాలతో వర్ధిల్లాలని కల్యాణ సంకల్పం గావిస్తారు.పద్మాసనస్థ కామాక్షీ దేవి దివ్య దర్శనం సకల ఫల ప్రదం  Inline image 4

Inline image 1Inline image 2 Inline image 3

వ్యాఖ్యానించండి

Filed under దేవాలయం, Uncategorized

ఉయ్యూరు శ్రీ సువర్చలాంజనేయ స్వామి దేవాలయం లో కార్తీక మాసం చివరి మంగళ వారం 18-11-14 రాత్రి లక్ష వత్తులతో కార్తీక దీపాలం కరణం -హాజరైన అశేష భక్త జన వాహిని 

ఉయ్యూరు శ్రీ సువర్చలాంజనేయ స్వామి దేవాలయం లో కార్తీక మాసం చివరి మంగళ వారం 18-11-14 రాత్రి లక్ష వత్తులతో కార్తీక దీపాలం కరణం -హాజరైన అశేష భక్త జన వాహిని

వ్యాఖ్యానించండి

Filed under దేవాలయం

శ్రీ నాధుని భీమ ఖండ కధనం -28 చతుర్దాశ్వాసం -2

శ్రీ నాధుని భీమ ఖండ కధనం -28

చతుర్దాశ్వాసం -2

నారద మహర్షి వసిస్టాదులకు భీమేశ్వర మహాత్మ్యాన్ని వివరించి అది జగత్తుకు తలమానికమని ,సంపదలకు భద్ర సిమ్హాసనమని చెప్పగా సప్తర్షులు దాక్షారామ సప్త గోదారాలను చూసి నమస్కరించి క్రుతార్దులయ్యారు .అక్కడే  తనివి తీరక తిరుగుతూ వ్యాసమహర్శిని దర్శింఛి ఆయన ద్వారా మిగిలిన విశేషాలు తెలుసుకొన్నారు .తర్వాత మారేడు వనం లో పద్మాసనం వేసి కూచుని తపస్సు చేస్తున్న అగస్త్య మహర్షిని దర్శించి తీర్ధ మహాత్మ్యాన్ని తెలియ జేయమని అభ్యర్ధించారు .అప్పుడు అగస్తుడు –

‘’జహ్ను కన్యా తీర సన్నివేశామునకు –దక్షిణాంభో రాశి తటము సాటి

కమనీయ మణికర్ణికా ప్రవాహమునకు –సప్త గొదావర జలము సాటి

కటక రక్షకుడైన కాల భైరవునకు –బ్రకట పాతాళభైరవుడు సాటి

విశ్వాది పతియైనవిశ్వ నాయకును –భీమ నాదేశ్వర స్వామి సాటి

మోక్ష వైభవంబునకు  సాటి మోక్ష లక్ష్మి –భోగ మహిమంబునకు సాటి భోగ మహిమ

వారణాసికి శ్రీ దక్ష వాటమునకు  -దార తమ్యంబు జర్చింప ధర్మ మగునే ‘’అన్నాడు ఆశికి గంగు ఉన్న సాపత్యం తెలుపుతూ –

ఆ గంగా తీరానికి ఈ గోదావరీతీరం ,ఆ మణికర్నికకు ఈ సప్త గోదావరం ,వారణాసిని రక్షించే ఆ కాల భైరవునికి ఈ పాతాళభైరవుడు ,ఆ విశ్వేశ్వరునికి ఈ భీమేశ్వరుడు సాటి .అక్కడి మోక్ష సంపదకి ,భోగ మహిమకు ఇక్కడి మోక్ష లక్ష్మి ,భోగమహిమ సరి సమానం .ఐతేఈ రెండు క్షేత్రాల హెచ్చు తగ్గులను గురించి ఆలోచించరాదు.సప్త గోదావరిని స్తుతించటం ఎవరి తరమూకాదు  .అని  కుంభ సంభవుడైన ముని చెప్పగా విన్నారు .సెలవు పొంది నగర ప్రదక్షిణ చేసి భీమేశ్వరుని తృప్తిగా దర్శించి ఒక చోట తీరికగా కూర్చున్నారు .అప్పుడు ఋగ్వేద ,యజుర్వేద సామవేదాలలో విద్వాంసుడు ,శైవ పురాణ రహస్యాలు తెలిసిన వాడు అయిన ‘’మంకణుడు ‘’అనే మహర్షి వారి దగ్గరకొచ్చి భక్తీ  పూర్వకం గా వారి చుట్టూ ప్రదక్షిణం చేసి ఇలా అన్నాడు –‘మీ దర్శన భాగ్యం చేత నేను ధన్యుడిని .నాతపస్సు ఫలిమ్చింది.ఈ ఒక జన్మలో ఈ భూమి మీదున్న సర్వ తీర్థాలను చూడలేను .అన్ని తీర్థాలను క్షేత్రాలను సందర్శించి వచ్చిన మిమ్మల్ని చూస్తుంటే అన్నీ నేను చేశాననే భావనకలిగి పవిత్రుడిని అయ్యాను .కాని భీమేశ్వరుని మహత్తు వినాలని మహా కోరికగా ఉన్నాను మీరెవరైనా సవిస్తరం గా తెలియ జేసి నన్ను క్రుతార్దుడిని చేయండి మహాను భావులారా ‘’అని అర్ధించాడు .అప్పుడు మునులు వసిస్టూని వైపు ద్రుష్టి సారించారు .వారి భావం తెలుసుకొని మంకణుడి తో ఈవిదం గా చెబుతున్నాడు –

‘’భీమ మగు గరళకూటము –భూమిని గగనమున దిశల బొడ సూపినచో

భీమ గతి మ్రింగె గావున –భీమేశ్వరుడయ్యేనితడు బిరుదాంకమునన్ ‘’

భయంకర విషం భూమి ఆకాశం దిక్కులందు వ్యాపిస్తే ఆ విషాన్ని భయంకర మైన తీరుతో  మింగే శాడు అనుక ఈ స్వామి భీమేశ్వరుడు అయ్యాడు . అనగానే మంకణ ముని ఆకధా విశేషం తెలియ జేయమని కోరగా క్షీర సాగర మధన వృత్తాంతాన్ని వివరించటం ప్రారంభించాడు వసిస్టముని  .

‘’దివ్యాయుధములైదు ద్రుత చేతనంబులై –శత్రు సంహారంబు సస్తుతింప

బులుగు రేడు కరాబ్జములు రెండు మొగిడింఛి –భ్రూలతా దేశంబు పొలుపు నరయ

సౌఖ శాయనికులై సనకాది యోగీంద్రు –లనురాగా వీషణం బభిలషింప

నూరు రంభా స్థంభయుగళంబు పై నుంచి –లక్ష్మి శ్రీ పాద పల్లవము లొత్త

బన్నగాదీశ భోగ తల్పంబు మీద –దత్ఫణారత్న దీప్తిమై తళుకు జూప

బాల మున్నీటి లో నిద్ర మేలుకొన్న –హరికి బొద చూప నేతెంచే హరిహయుండు’’

దివ్యాయుదాలైన అయిదు కూడా ప్రాణం పోసుకొని శత్రు నాశనాన్ని కోరుతున్నాయి .గరుత్మంతుడు చేతులు జోడించి విష్ణు మూర్తి కనుబోమల కదలిక అంతరార్ధాన్ని తెలియ జేసే ఆజ్ఞ కోసం ఎదురు చూస్తున్నాడు .సనకాది మహర్షులు మేలుకొలుపులు పాడుతూశ్రీహరి ప్రేమ చూపులకోసం ఎదురు చూస్తున్నారు .లక్ష్మీ దేవి స్వామి చిగురుపాదాలను ఒత్తుతోంది .ఆది శేషుని పాన్పుమీద హాయిగా శయనించిన విష్ణు మూర్తి ని దర్శించటానికి దేవేంద్రుడు వచ్చాడు .కొన్ని వివరాలు తెలుసుకొందాం –అయిదు దివ్యాయుధాలు –పాంచ జన్యం ,శంఖం ,సుదర్శన చక్రం ,కౌమోదకీ గద,నందకం అనే ఖడ్గం ,శార్జ్నం అనే విల్లు .ఈ సీస పద్యం కాళిదాస మహాకవి రఘువంశం లోని రావణ పీడిత ఇంద్రాది దేవతలు దర్శించిన విష్ణు మూర్తి వర్ణనలాగే మచ్చుకు మచ్చు అదే క్రమంలో తెలుగులోకి శ్రీనాధుడు దింపాడు అని వ్యాఖ్యానం రాసిన డాక్టర్ గండవరపు లక్ష్మీ నారాయణ గారు  వివరించారు .

దేవేంద్రుడు ఒంటరిగా వచ్చి ఏకాంతం గా రెండో చెవికి వినబడకుండా హరితో ఈ హరిహయుడు చర్చించాడు .తన సంల్పం నెరవేరింది అనే సంతృప్తి పొంది నెమ్మదిగా అక్కడినుండి నిష్క్రమించాడు . అప్పుడు శ్రీహరి ‘’ఒరే అవివేకులారా !అమాయకమైన ఆలోచనలు ఎందుకు ?సహనం ఉండాలి ,యుద్ధం వస్తే ఎవరు గెలుస్తారో ఎవరు ఓడతారో తెలియదు .యుద్ధం యెవరికీ మేలు చేయదు .గొర్రె బలిసి బాణాన్ని కొరికి అపకారం పొంది న సంగతి తెలీదా ?తిని కూర్చుని దుష్టమైన ఆలోచనలు ఎందుకు చేస్తారు .మీ తెలివి తెల్లారి నట్లే ఉంది మీ బొంద ‘’అన్నాడు .

‘’భద్రము మీకు గావలె నపారముగా సుర దైత్యులారా ఈ –విద్రవ ముజ్జగిమ్పుడు వివేకము పాకము దప్పకుండగా

భద్ర సువర్ణ పీఠికలపై గోలువుండి త్రిలోక రాజ్య మ –చ్చిద్రము గాగ నేలుట విశేషము ?చచ్చుట తా విశేషమో ?’’

‘’దేవా రాక్షసులారా !మీ అందరికి మేలుకలగాలి వివేకం లేకుండా అతి తెలివి ప్రదర్శించ వద్దు .బంగారు భద్రాసనం పైన హాయిగా కూర్చుని రాజ్య పాలనం చేయటం మేలా ?లేకపోతె యుద్ధాలు చేస్తూ చనిపోవటం మేలా ?ఆలోచించండి .కనుక నేను ఒక ఉపాయం చెబుతాను .ఇరుపక్షాలవారూ జాగ్రత్తగా వినండి .అలా నడుచుకొని ఉభయులకూ మేలు జరుగుతుంది అని –

‘’క్షీరాం భోనిది మదిమ్పగా వలయు నక్షీణప్రతాప ప్రభా –వారంభంబున నాది కచ్చపము మూలాధార కుండం బుగా

సారోదారము మందరాచలము చంచన్మందరా చలము చంచన్మంధ దండంబుగా –గారామార రసాధిపతి ద్రుకర్ణుండు సూత్రంబునన్ ‘’

ఆదికూర్మం బరువును మోసే ఆధారమైన చుట్ట కుదురుగా ,మంధర పర్వతం కవ్వం గా ,రాసాతలాదిపతి ఐన వాసుకి కవ్వపు త్రాడుగా ,అక్షీణ బలం శక్తితో, పాలసముద్రాన్ని చిలకాలి ‘’అని చిలక పలుకులు పలికాడు చిదానందాం గా శ్రీలక్ష్మీ విభుడు .

సశేషం

మీ –గబ్బిట దుర్గా ప్రసాద్ -19-11-14-ఉయ్యూరు

 

 

 

‘’

వ్యాఖ్యానించండి

Filed under విశేషాలు

శ్రీనాధుని భీమ ఖండ కధనం -27 తృతీయాశ్వాసం -12

శ్రీనాధుని భీమ ఖండ కధనం -27

తృతీయాశ్వాసం -12

శ్రీ మద్రామాయణం ,దాక్షారామ చరిత్ర పాప పరిహారాలని అవి వాల్మీకి ,వ్యాసుల స్తుతిపాత్రాలని సూత మహర్షి శౌనకాదులకు తెలియ జెప్పగా వారు మరింత కుతూహలం తో ‘’పరమ శివుడు అవతరించిన విధానం ,సప్తర్షులు సప్త గోదావరిని భీమేశ్వరాలయం వద్దకు తీసుకొచ్చిన విధానం గురించి వినాలని ఉంది తెలియ జేయండి ‘’అని ప్రార్ధించారు .దీనితో తృతీయాశ్వాసం పూర్తయింది

చతుర్దాశ్వాసం -1

శౌనకాది మునులకు సూత ముని ‘’మహర్షులారా!మీరు అడిగిన ప్రశ్నలు  తెలుసుకోదగినవే .ఒకప్పుడు  వసిస్టాది మహర్షులకు నారద మహర్షి చెప్పిన విషయాలనే నేను మీకు అదే క్రమం లో వివరిస్తాను సావధానులై వినండి .,’’అని చెప్పి కధనం ప్రారంభించాడు .వ్యాస మహర్షి శిష్యులతో మోక్షం  కోసం కాశీ  వెళ్ళాడు డుకనుక వసిస్టాదులు కూడా కాశీ చేరారు .వసిస్టూడు ,బృహస్పతి అత్రి ,భరద్వాజ మున్నగు మహర్షులు తీర్ధ యాత్ర చేసే ఆలోచనతో ,పవిత్ర నదీ స్నానా పేక్ష తో కాశీ వచ్చి మణికర్ణిక ,ప్రయాగ ,గంగా ప్రవాహ మాధ్యమం లో స్నానాలు చేసి శ్రీ విశ్వేశ్వరాడులను భక్తితో దర్శించి పూజించి సంతృప్తి చెందారు .కాశి ముక్తి దాయం కనుక వ్యాసభగవానుని నివాసం ఎక్కడో తెలుసుఒనె ప్రయత్నం చేసి కనపడక బాధ పడ్డారు .అక్కడ కనిపించిన ప్రతి వాడిని వ్యాసుని జాడ గురించి అడిగారు .వారు చెప్పిన సమాధానాలు విని దిమ్మెర పోయారు –ఇంతకీ వాళ్ళేం చెప్పారో తెలుసా?’’జ్ఞానం లేకుండా ,ఒట్టి మూఢుడు అయిన వ్యాసుడు ఎటు వెళ్ళాడో ఎవరికీ తెలియదు .తెలుసుకోవాలనే కోరికా ఇక్కడ ఎవరికీ లేదు ,అవసరమూ లేదు పొండయ్యా పొండి’’అని ఈస డించు కొని ,బతిమాలగా బతిమాలగా విషయం అంతా పూస గుచ్చినట్లు తెలియ జేశారు

.’’ఏమండీ మహర్షులూ !ఏడు రోజులు అన్నం దొరకకుండా వ్యాసుని బాధ పెట్టి ఆకలితో మాడేట్లు చేయటం ఈశ్వరుడి తప్పుకాదా ?అయ్యో శివుడు బదులుకు బదులు ఎందుకు తీర్చుకొన్నాడు .వ్యాసుడినే బయటికి పంపిన కోపదారి ధూర్జటి మనల్ని మాత్రం ఉండనిస్తాడా ఇక్కడ?’’అని ఆలోచించి కృష్ణ ద్వైపాయనుడే లేనికాశి లో ఉండటానికి మనస్కరిం చక కాశీని వదిలేసి వ్యాస మార్గం పట్టి అందరూ దాక్షారామం చేరుకొన్నారు .కాని తీర్ధ యాత్రలు ఇక్కడ ఎక్కడ ఎలా మొదలు పెట్టాలో వారికి తెలియడుకనుక నారద మహర్షిని ధ్యానించగా ఆయన దర్శమివ్వగా తీర్ధ యాత్రాక్రమాన్ని తెలియ జేయవలసినదిగా ప్రార్ధించారు .దానికి నారదుడు

‘’అఖిల తీర్దో త్తమోత్తమం బనఘులార-పావనంబైన సప్త గోదావరంబు

తను దాన మహా నదీ తటము నందు –నెలమి నున్నాడు భీమేశ్వరుండు ‘’

మునులారా !సప్త గోదావరం అనే ఈ పవిత్ర తీర్ధం అన్నిటికన్నా శ్రేష్టమైనది.ఈ నది ఒడ్డునే శ్రీ భీమేశ్వర మహా శివుడు కొలువైఉన్నాడు .అది నది అని ఈయన దేవుడని చెప్పటం సామాన్యమైన మాటలే .రెండూ అభిన్నాలే పరమార్ధం ఒక్కటే .ప్రయోజనమూ ఒకటే .అని చెప్పి సప్త గోదావరిలో స్నాన మంత్రాలను తెలియ జేస్తున్నాడు నారదుడు –

1-‘’సప్త గోదావరం తీర్ధం సర్వ తీర్దోత్తమోత్తమం –అత్ర సన్నిహితో రుద్రో భీమ నాద నాధెశ్వరెశ్వరః’’

2-నమస్తే భీమ నాదాయ సప్త గోదావరాంభసే –పాపెంధనగ్నయేతుభ్యం నిమజ్జామి హర త్వం ‘’

భావం –సప్త గోదారం పవిత్ర తీర్ధం .ఉత్తమోత్తమ తీర్ధం .దీనిలో శంకరుడు భీమనాయకుడనే పేరుతొ ఉన్నాడు భీమేశ్వరా నమస్కారం .సప్త గోదారం లో ఉన్న నువ్వు పాపాలనే కర్రలకు అగ్నివి .అలాంటి నీకు నమోనమః ‘’

‘’ఆతత భక్తీ భావమున నాది యుగం బున సప్త సంయముల్ –గౌతమ ముఖ్యు లైం దవళ కళాదరు భీమయ దేవు భక్తిని

స్పీతీ బ్రతిస్ట జేసి యభి షేక జలార్ధము తోడి తెచ్చి ,ర-న్వీత సమస్త తీర్ధ మయి విశ్రుతి కెక్కిన సప్త సింధువున్ ‘

కృత యుగం లో గౌతామాది సప్త మునులు  భక్తితో చంద్ర శేఖరుడైన శ్రీ భీమేశ్వరుని ప్రతిష్ట చేసి ,అభిషేం కోసం అన్ని తీర్ధాలతో కూడిన సప్త గోదావరాన్ని ఇక్కడికి  తీసుకొచ్చారు .సప్త గోదారం తానున్న పాప నాశక శక్తి తో   దాని తీరం లో ఉన్నా ,నీరు తాగినా ,అలలపై తేలియాడినా ,ఆ గాలి పీల్చినా ,కీర్తించినా వాళ్ళను లోక పావనులుగా ,ధన్యాత్ములనుగా ,పునణ్యాత్ములనుగా చేస్తుంది .ఇది సముద్రానికి వక్షస్తాల ఆభరణం .ఈ నదినీ స్వామినీ చూసి ధన్యులవండి .పాతాళ శ్రీ కాల భైరవునికి  ,నందికి నమస్కరించి, నాకులేశ్వరుని చూసి,తాండవ గణ నాదునికి మొక్కి ,కుమారస్వామిని ,విష్ణు మూర్తిని సేవించి ,విరూపాక్ష నాగేన్ద్రులకు నమస్కరించి ,లోకపావని పార్వతీదేవికి ,లోకేశ్వరుడు భీమ నాయకునికి ప్రణమిల్లి జన్మ జన్మాన్తరాలలో చేసుకొన్న పాపాలన్నీ పటా పంచలు చేసుకొని స్వాంతత మనస్కులు కండి .ఇక్కడి  పన్నెండు దివ్య క్షేత్ర సందర్శనం వలన ఎంతటి పుణ్యం కలుగుతుందో ,అంతటి పుణ్యం భీమేశ దర్శనం వలన కలుగుతుంది .ఇక్కడికొచ్చి సేవిస్తే యముడు దగ్గరకు రానే రాడు .దక్షిణ కాశి ఇది ఇక్కడ సమస్త దేవతలూ ప్రతిష్టించిన అపూర్వ శివలింగాలున్నాయి

‘’అగ్నిస్టోమం ,వాజపెయం మొదలైన యజ్ఞాలు చేసే తప్పుడు వచ్చే పోగలను పీల్చి బాధ పడక్కర లేదు .తీర్ధయాత్రల పేరు తో కాళ్ళు  అరిగేట్లు తిరగాల్సిన పనే లేదు .ఆవులు మొదలైన వాటిని ఎన్నిటినో దానం ఇవ్వాల్సిన అవసరమే లేదు .క్రుచ్చ ,చాంద్రాయణ వ్రతాలు చేసి చిక్కిపోవాల్సిన  అవసరమేలేదు  .భీమేశునిదూరం నుండే ఒక్క సారి చూస్తె చాలు .సమస్తమూ ఇస్తాడు భోగ మోక్ష ప్రదాయి .సేవించి తరిం చండి .అన్ని జీవ రాశులకు మొక్షాన్నిచ్చే భక్త సులభుడు దాక్షారామ భీమేశుడు

‘’సాక్షాద్దక్షిణ కాశికా నగరి దక్షస్తాన మవ్వీటిలో –మోక్షార్దాక్షర దీక్ష నక్షయ సుఖంబుం బ్రాణికిన్ ,సత్క్రుపా

వీక్షా సంకలితాను రాగు డగుచున్ విశ్వేశు చందం బునన్ –ద్ర్యక్షుం డీశుడు భీమ నాధు డోసగుం బ్రాణావసానంబునన్ ‘’-ద్రాక్షారామం సాక్షాత్తు కాశియే .కాశీలో విశ్వేశ్వరుడు చేసినట్లే ఇక్కడ కూడా ప్రాణం పోయే సమయం లో భీమేశుడు ఓంకారాన్ని ఉపదేశించి శాశ్వత ఆనందమైన ముక్తిని అనుగ్రహిస్తాడు .

సశేషం

మీ –గబ్బిట దుర్గా ప్రసాద్ -18-11-14-ఉయ్యూరు

‘’

 

 

వ్యాఖ్యానించండి

Filed under విశేషాలు

దర్శనీయ దైవ క్షేత్రాలు – శ్రీ జగదాంబా సమేత సోమేశ్వరాలయం –ఉయ్యూరు

దర్శనీయ దైవ క్షేత్రాలు –

శ్రీ జగదాంబా సమేత సోమేశ్వరాలయం –ఉయ్యూరు

నూజి వీడు ప్రభువులు నిర్మించిన దేవాలయం

ఉయ్యూరు లో సెంటర్ కు సుమారు ఫర్లాంగు దూరం లో ఎత్తుమీద శివాలయం ఉంది .దీని పేరు శ్రీ జగదాంబా సమేత సోమేశ్వరాలయం ‘’కాని అందరూ’’ శివాలయం’’ అనే పిలుస్తారు .క్రీ.శ .12వ శాతాబ్దినాటికే ఈ శివాలయం వర్ద్ధిల్లినట్లు లోపలి గోడలపై ఉన్న శిలాశాసనాలు వెలుపల ఉన్న చిన్న ప్రతిమ తెలియ జేస్తున్నాయి .ఉయ్యూరు నూజి వీడు జమీందారీ లోని గ్రామం .తర్వాత అన్న దమ్ముల వాటాలో ఉయ్యూరు జమీందారీ ఏర్పడింది .నూజి వీడు ప్రభువులు మేకా వంశస్తులు .విప్పర్ల గోత్రోద్బవులు .మేకా వంశానికి మూల పురుషుడు మేకా బసవన్న గారి విగ్రహం ఇప్పుడు ఆలయం బయట అనిపిస్తోంది .ఈయనను బసవ దండ నాయకులు అని క్రీ శ 12వ శతము వారని కాకతీయ ఆంద్ర సామ్రాజ్య సేనాని అని ,నూజి వీటి ప్రభువుల మూల పురుషులని అందులో తెలియ జేయబడి వారి వీర ప్రతాప సూచక భంగిమలో శిల్పం కనులను ఆకర్షించేట్లుగా కనిపిస్తోంది .కనుక నూజి వీడు ప్రభువులే ఉయ్యూరు శివాలయ నిర్మాతలని భావించ వచ్చు .ఆలయం లో నిత్య పూజాదికాలకోసం  పూజారుల పోషణకోసం ప్రభువులు మడిమాన్యాలు విశేషం గా రాసిచ్చారు .వాటిని అనుభవిస్తూ మామిళ్ళ పల్లి వంశపు అర్చకులు స్వామిని ఆరాధిస్తూ సేవలు చేస్తూ వంశ పారం పర్యం గా తరిస్తున్నారు .స్వామి సోమేశ్వరుడు .అమ్మవారు జగదాంబ .చూడ ముచ్చటగా అమ్మలగన్న  యమ్మ గా గొప్ప కళా కాంతులతో  మహా ఆకర్షణీయం గా  దర్శన మిస్తుంది .స్వామికి ఎడమ వైపున ఉంటుంది .కుడివైపు పెద్ద మీసాలతో  వీరభద్ర స్వామి దర్శన మిస్తాడు .సోమేశ్వరుని నందీశ్వరుడు  మహా ముచ్చట గా సజీవం గా కళకళలాడుతూ దర్శన మిస్తాడు .

ఆలయం సువిశాలమైన స్థలం లో నిర్మించబడి ,నాలుగు వైపులా చాలా ఖాళీగా ఉండేది .ప్రహరీ గోడ చాలా ఎత్తు  తక్కువలో ఉండేది .శివాలయం వెనకా ముందూ ప్రక్కన ఏ నిర్మాణాలు ఉండేవి కావు ,రాష్ట్రీయ స్వయం సేవక్ సంఘ్ (ఆర్ ఎస్ ఎస్ )శాఖలు ఇక్కడ ఎన్నో ఏళ్ళుగా ఆలయానికి ముందు దక్షిణ వైపున జరిగేవి .యెంత మంది వచ్చినా సరిపోయేటట్లు ఉండేది .ఖో ఖో ,చెడుగుడు  ఉప్పాట  లాఠీ విన్యాసాలు బాగా నిర్వహింప బడేవి. ఆలయం వెనక ఒక మారేడు చెట్టు   ఉత్తరాన దేవ కాంచన ,గన్నేరు చెట్లు ఒకటి రెండు ఉండేవి .విష్ణ్వాలయం లో రెండు పొగడ చెట్లు ,శివాలయం లో ఈ చెట్లు ఆనాడు బాగా ప్రసిద్ధి చెందాయి .వినాయక చవితికి పత్రికోసం వీటినే కోసుకొనే వారు .ఎత్తైన ధ్వజస్తంభం మొదటి నుంచీ చాలా ఆకర్షణీయం గా ఉండేది . దసరా నవరాత్రి ఉత్సవాలలో సాయంత్రం వేళ లలితా సహస్ర నామ పూజ ప్రత్యేకం గా ఉండేది .ఊరిలోని బ్రాహ్మణ పెద్దలందరూ మంత్ర పుష్పానికి తప్పక హాజరయ్యేవారు .శ్రీ వంగల సుబ్బావదానిగారు ఈ పూజలను శాస్త్రోక్తంగా ఉదాత్తం గా నిష్టగా నిర్వహించేవారు .ఆ నాటి పెద్ద లైన అర్చక స్వాములలో శ్రీ మామిళ్ళపల్లి నాగేశ్వరరావు ,శ్రీ పురుషోత్తం గారు ,శ్రీమాధవ రావు ,శ్రీక్రిష్ణ మూర్తిగారు ,శ్రీ తాతయ్య గారు మొదలైనవారు అర్చకత్వం లో మంచిపట్టు ఉన్నవారు .వీరందరూ ఆయుర్వేదం లో ప్రముఖ వైద్యులుకూడా .మంత్రం శాస్త్రం లోను పేరున్నవారు .పాము ,తేలు జడుపు ,  తలపర  మంత్రాలు వేసి వాటి బాధ  నుండి జనాలను కాపాడేవారు  . సుబ్బయ్య గారితో బాటు శ్రీ కోట క్రిష్ణ మూర్తిగారు శ్రీ యనమండ్ర పార్ధ సారది గారు స్మార్తం లో పేరున్నవారందరూ ఆలయం లో అభిషేకాలను భక్తీ శ్రద్దలతో చేసేవారు .శ్రీ చోడవరపు చంద్ర శేఖరరావు శ్రీ వారణాసి సదాశివరావు మా తండ్రి గారు  శ్రీ గబ్బిట మృత్యుంజయ శాస్త్రి ,మా మేనమామ గారు శ్రీ గుండు గంగాధర శాస్త్రి  హెడ్ కరణం శ్రీ ఆదిరాజు నరసింహా రావు మొదలైన పెద్దల ఆధ్వర్యం లో ఉయ్యూరు పుల్లేరు కాలువ నుండి మడితో బిందెలతో నీరు మోసుకొని వచ్చి మా లాంటి కుర్రాళ్ళతో మహిళా మణులతో మోయించి  సహస్ర ఘటాభిషేకం,అపూర్వం గా జరిపే వారు . లక్ష బిల్వార్చనా చేసేవారు    అవి ఈ నాడుకూడా నిర్వహిస్తున్నారు . . దశమినాడు జమ్మి పూజ ను బయట నిర్వహించేవారు .కార్తీకం లో ఆకాశ  దీపాలకు పెద్దగా జనం చూడటానికి వచ్చేవారు కాదు. అదేదో పూజారుల డ్యూటీ అనుకొనేవారు .ఇప్పుడు విరగబడి వచ్చి చూసి వెలిగించి పాలుపంచుకొంటున్నారు .శ్రీ గోవింద రాజు సత్యం, శ్రీ కోలచల పతి మొదలైన వారు రాష్ట్రం లో నే గొప్పపేరున్న  హరికధకులనుఆహ్వానించి  ధనుర్మాసం రాత్రి వేళల్లో నెల రోజులూ హరికదలు చెప్పించేవారు .వందలాది జనం  వచ్చి చూసి ఆనందించే వారు .ఇక్కడ శ్రీ కోట సచ్చిదానంద శాస్త్రి ,పట్నం మల్లేశ్వరరావు, మోపర్రు దాసు ,కడలి వీరయ్య , జగన్నాధ భాగవతారు ,పొడుగు పాండురంగ దాసు గార్లుప్రజల మనసుల్ని దోచిన ఎందరో హారిదాసులలో కొందరుమాత్రమే .

దేవాలయం లో ఉత్తరవైపు ఈశాన్య భాగం లో ఎత్తైన కళ్యాణ  వేదిక ఉంది. ఇక్కడే శివపార్వతీ కల్యాణం మాఘ శుద్ధ చతుర్దశినాడు అయిదు రోజుల కార్యక్రమం  గా నిర్వహిస్తారు .ఎదురుకోలు ,గ్రామోత్సవం ,వసంతోత్సవం కూడా ఉంటాయి. ఆలయం ముందు ఏ ఆచ్చాదనా ఉండేది కాదు . వేసవి లో తాటాకు పందిళ్ళు వేసేవారు .డాక్టర్ శ్రీ ద్విజేంద్ర బాబు ఆలయ ట్రస్ట్ బోర్డ్ చైర్మన్ గా పని చేసినపుడు పలు అభి వృద్ధి ఆర్య క్రమాలను భక్తుల సౌకర్యం కోసం నిర్వహించారు .డాక్టర్ గారు  గ్రామ పెద్దలు శ్రీ గోవిందరాజు శ్రీరామ మూర్తిగారు ,శ్రీ గోవింద రాజు సత్యం గారు శ్రీ  కొలచల చలపతి రావు ,శ్రీ సీతం రాజు సత్యనారాయణ గారు మొదలైన వారందరి సహాయ సహకారలతో ,ప్రజా విరాళాలను స్వీకరించి ,    స్థానిక కే .సి .పి . ప్లాంట్ మేనేజర్ శ్రీ ఇంజేటి జగన్నాధ రావు గారి సౌజన్యం తో    దక్షిణాన శ్రీ ఆంజనేయ ,శ్రీ వెంకటేశ్వర ,శ్రీ శంకచార్యాది విగ్రహాలను ఆగమోక్తం గా ప్రతిష్టించారు .పైన రేకుల షెడ్డు నిర్మించారు .అక్కడ సభా వేదిక గా ఉపయోగ పడేటట్లు చేశారు .తరువాత   ఆలయానికి ముందు గ్రానైట్ తో సుందర మండపం ఏర్పాటు చేసి పైన కాంక్రీట్ తో శాశ్వత రూఫ్ ఏర్పాటు చేసి భక్తులకు ఏంతో సౌకర్యం కలిగించారు .వీటికి శ్రీ బూరగడ్డ కృష్ణ మోహన్ మొదలైన దాతల ప్రోత్సాహం విశిష్టం గా తోడ్పడింది .ఉత్తరాన నవగ్రహ ఆలయాన్ని నిర్మించారు .బోరు వేసి నీటి వసతికల్పించారు .

ఆలయం దేవాదాయ శాఖ ఆధ్వర్యం లో ఉంది .ముందువైపు కోట్లు ,పైన ఆఫీసు భవనాలు కట్టి ఆదాయం పెంచారు .ఇదివరకు  లేని ఉత్తర ద్వార దర్శనం కూడా ఇప్పుడు ఇక్కడ చేస్తున్నారు .నవరాత్రిలలో అమ్మవారికి వివిధ దేవీ రూపాలతో అలంకరణ ఇప్పుడు ప్రత్యేం .అలంకరణ లో నిష్ణాతుడు, ఆలయ అర్చకుడూ టీచర్  అయిన శ్రీ మామిళ్ళ పల్లి సోమేశ్వర రావు అందరి అభిమానాన్ని పొందారు .ఈ అలంకారాలను చూడ టానికి రెండు కళ్ళు చాలవు . దీనికి రోజుకు ఒకరిద్దరు  స్పాన్సర్ లు ఉంటారు .నవరాత్రి ఉత్సవాలు మహా వైభవం గా చేస్తారు .ఆలయం పట్టనంత జనం ఇప్పుడు వస్తున్నారు .మా చిన్నతనాల్లో నిజం గానే జనం లేక ‘’శివాలయమే ‘’అనిపించేది .ఇప్పుడు అంతా వైభోగమే .అప్పుడు శివ ప్రసాదం తినటం నేరం .ఇప్పుడు అదే పరమ పావనం .స్వామివారి కల్యాణం  చాలా గొప్పగా ఉంటుంది . .ఇటీవలే వీర భద్ర పళ్ళెం కూడా  నిర్వహిస్తున్నారు .ఆలయం  దక్షిణవైపు రేకుల షెడ్డు ఇప్పుడు కళ్యాణ వేదికగా మారి ఎన్నో వివాహాలు జరుగుతున్నాయి .వెనక  వంట శాల చాలా సౌకర్యం గా ఉంది .  అయ్యప్ప భక్తులకు’’మరొక శబరిమలై’’ అనిపించేట్లుగా కార్యక్రమాలు జరుగుతాయి .ఎందరో పురోహితులు ఆలయయం లో ఉంటూ భక్తుల కోరికలు తీర్చే పూజాదికాలు, దాన ధర్మాలు చేయిస్తూ   విశ్వాసం పెంచుతున్నారు .దాదాపు ఎమిమిది వందల ఏళ్ళచరిత్ర ఉన్న  ఈ పురాతన శివాలయాన్నిఅందరూ  దర్శించి తరించాలి .

మీ-గబ్బిట దుర్గా ప్రసాద్ -18-11-14-ఉయ్యూరు

 

వ్యాఖ్యానించండి

Filed under దేవాలయం

శ్రీనాధుని భీమ ఖండ కదనం -26 తృతీయాశ్వాసం -11

శ్రీనాధుని భీమ ఖండ కదనం -26

తృతీయాశ్వాసం -11

వ్యాసుడు భీమేశ్వరుని సహనం వదల కుండా సేవిస్తూ ‘’దయ గల వాడా ,శాంత స్వరూపా ,నాదా ,భీమేశ్వరా ,నీల కం ఠా ,నిన్ను దర్శించాటానికంటే పాపాలకు  వేరే ప్రాయశ్చిత్తం లేదు ,భీమఖండం లోని సమస్త ప్రాణులకు ‘’ఆ భ్రాంతి  దశ ‘’(మరణసమయం )లో తారా మంత్రం స్పురింప జేస్తావు ,కలియుగం లో నీ దర్శనం ,స్పర్శనం అదృష్టం వల్లనేలభ్యాలు .నీ దక్ష వాటి భోగ మోక్ష  భూమి .నేను శిష్యులతోసహా భక్తితో నిన్ను సేవిస్తా .విశ్వనాధుని కోపకారణం గా కాశీ వదిలి వచ్చాను  ‘’అంటూ –

‘’దేవదేవునకు ,నాదికినాది యగు వాని –అమ్బికా పతికి ,దక్షాధ్వరారి

కహిత పురత్రయాధ్యక్ష సంహరునకు –హరి లోచనంబుజాభ్యర్చితునకు

బ్రహ్మాది దేవతోపాస్య సన్మూర్తికి –నమృత మోర్తీని ,స్వయంభువునకు

నిగమార్ధ విద్యోపనిషదంగనా మౌళి –చుంబిత శ్రీ చర ణాంబు జునకు

భోగ మోశంబు లతి పాప బుద్ధులకును –గరుణ నోసగేడు ప్రత్యక్ష  కల్ప శాఖి

కఖిల గాంధర్వ యక్ష సిద్ధాది దివ్య –వంద్యునకు మ్రోక్కెదను భక్త వత్సలునకు ‘’

భావం –దేవదేవుడు ,కారణానికి కారణ మైన వాడు ,పార్వతీపతి ,దక్ష యజ్న శత్రువు ,త్రిపుర నాశకుడు ,విష్ణుదేవుని కళ్ళు అనే పద్మాలను గైకొన్నవాడు ,బ్రహ్మాదులచే ఉపాసింప బడేవాడు ,అమృత మూర్తి ,స్వయంభు వేదాంతుల మస్తాలచేత నమసరింప బడేవాడు ,పాపులు కరుణామూర్తియై భోగ మొక్షాలిచ్చే ప్రత్యక్ష కల్ప వృక్షమైన వాడు ,గాంధర్వ యక్షాదులచే నమస్క్రుతుడు ,భక్త వత్సలుడు అయిన భీమేశ్వర స్వామికి నమస్కరిస్తాను .

‘’శ్రీ భీమ నాయక శివ నామ దేయంబు –చింతింప నేర్చిన జిహ్వ జిహ్వ

దక్ష వాటీ పురాధ్యక్ష మోహన మూర్తి చూడంగ నేర్చిన చూపు చూపు

దక్షిణాంబుధి తట స్థాయి పావన కీర్తి –చే నింప నేర్పిన చెవులు చెవులు

తారక బ్రహ్మ విద్యా దాత యౌదల –విరుల పూన్పగా నేర్చు అరము కరము

ధవళ కర శేహరును బ్రదక్షిణంబు –నారది దిరుగంగ నేర్చిన యడుగు లడుగు

లంబికా నాయక ధ్యాన హర్ష జలధి –మధ్యమున డెలి యాడెడి మనసు మనసు ‘’

భీమేశ్వరుని కీర్తించే నాలీ నాలియా .ఆయన్ను చూసే చూపే చూపు ఆయన కీర్తన విన్న చెవులే చెవులు ఆయన శిరసున పూలు వేసే చేతులే చేతులు  స్వామీ ప్రదక్షిణం చేసే పాదాలే  పాదాలు ,ఆయన ధ్యానము వాళ్ళ పొందే ఆనందం తో తేలిపోయే మనసే మనసు –అని పోతన గారు ‘’శ్రీనాధు వర్ణించు జిహ్వ జిహ్వ ‘’పద్యానికి మీ మీ అనుసరణ గా రాశాడు. శ్రీనాధుడు కాలకూట విషాగ్ని భయం నుండి లోకాలను కాపాడిన ముక్కంటికి నమస్కరిస్తూ పొంగిపోతున్నాడు వ్యాసభగవానుడు .భిక్ష తో లభించే దాన్నే తింటాను .ఐహిక విషయాలను జ్ఞాన భక్తీ లతో దర్శిస్తాను .మనసులో ఏ కోరికలూ లేకుండా చేసుకొంటాను .త్రిలోక వంద్యుడైన భీమేశుని దర్శిస్తాను అని పదే పదే పలవరిస్తున్నాడు వ్యాసుడు .సప్త గోదారి మధ్య ఎనభై ఎనిమిది వేల మంది మహర్షులున్నారు .అలాంటి పవిత్ర ప్రవాహం లో స్నానం చేసి తృప్తి పొందుతాను .కరుణా సముద్రుడు ,భోగ మోక్ష ప్రదాత అయిన భీమేశ్వరుడే నా ఏడుగడ అని అనుకోని సేవిస్తున్నాడు .యక్ష కిన్నరాదుల కిరీట కాంతుల చే పాదపద్మాలు కాంతితో వెలిగిపోయే భీమేషుని సదా ధ్యానిస్తాను .

‘’నిష్టతో  భజింతు భీమునిన్ భుజంగ హారునిన్ –దిస్టుని న్రవీంద్ర సంప్రతిస్తునిం గరిస్ష్టు భూ

యిస్తూ దశ వాతిఆ స్థాలీషు దేవతాకుల – జేస్టుని న్వసిస్టముఖ్య శిష్ట ముని జనార్పితున్ ‘’

అంటూ ‘’ఉత్సాహ ‘’పద్యం లో అత్యంత ఉత్సాహం గా ‘’సర్ప హారుడు ,సుస్స్తిరుడు ,సూర్యుడు ,ఇంద్రుడు ,అనే దేవతా ద్వయం చేత ప్రతిస్తితుడు ,సర్వ శ్రేష్టుడు ,సమ్రుద్ధుడు,దక్షరామాదిపతి ,దేవ జ్యేస్టూడు ,వసిస్తాదులచే పూజితుడు అయిన భీమేశుని నిష్ట తో పూజిస్తాను ‘’అనుకొన్నాడు .

కొనసాగింపుగా –‘’లయ గ్రాహి ‘’వృత్తం లో

‘’నేమమున మ్రక్కేదనును హేమగిరి చాపును –సామజ జలంధర  ముఖామర విరోధి

గ్రామ మద హారి ,అభిరామ శుభ నిర్మల సు –ధామయ శరీరునకు గామిత వితీర్ణ

శ్రీ మహిమ శాలికి ,జరామరణ దోష పరి –శ్రమా నిజామ్ఘ్రి యుగళీమతికి ,దాక్షా

రామ పుర దామును ,గోమల జటా మకుట –ధామ హిమధాము నకు ,భీమునికి భక్తిన్ ‘’

హభీమేశ్వరునీ భక్తితో నమసరిస్తాను .ఆయన మేరు ధ్వజుడు .గజాసుర ,జలన్ధరాసుర మదం అడచిన వాడు ,మనోహరమైన అమృత శరీరుడు భక్తా భీష్ట ప్రదుడు .నమస్కరించిన వారి జరామరణాలను దూరం చేసేవాడు.దక్ష పుర వాసి .మృదుల జటాజూటి పై చంద్ర వంక ఉన్నవాడు .హిమవంతుని అల్లుడు .వెన్నెల వంటి శరీరి   ,సప్తాలోకాదిపతి ,మహాదేవుడు వామదేవుడు ,అయిన శివుని ధ్యానిస్తాను .నల్లకలువ రంగు కంఠం కలవాడు ,తృతీయ నేత్రం కల తత్పురుషుడిని భజిస్తాను .ఫాల నేత్రాగ్ని జ్వాలతో మన్మధుని  దహించిన వాడు అయిన ఈశానుని సేవిస్తాను .మోహ జన్మాదులు  లేని శివునికి నమస్కరిస్తాను .సృష్టికి సంసారానికి హేతువు అయిన వాడిని స్మరిస్తాను .ప్రక్రుతి భావ చక్ర రూపుని ఆశ్రయిస్తాను .భీమ శివుని ధ్యానిస్తాను ‘’అంటూ’’ కొత్త బిచ్చగాడు పొద్దెరగడు ‘’ అన్నట్లు గా అదే ధ్యాసతో అదే శ్వాసతో  అదే ధ్యేయం తో అదే ఆర్తితో మనసునిండా భీమేషుని నింపుకొని త్రుప్తిగా జపిస్తూ  ,స్మరిస్తూ పూజిస్తూ ధ్యానిస్తూ అనుక్షణం గడుపుతున్నాడు భగవాన్ వ్యాసుడు .

పద్నాలుగు లోకాలను తన ఆజ్ఞ తో వర్తింప చేసేవాడు ,సూర్యాది గ్రహాలను నక్షత్రాలను తన అజ్ఞా తో నడిపించేవాడు ,పద్నాలుగు మంది మనువులను తన సమ్మతిబలం తో వర్తిన్చేట్లు చేసేవాడు ,నిఖిల భువనాల కదలికలను తన రెప్ప పాటుతో  కదలింప గలవాడు ,దయా మంగళాలకు కొలువైన వాడు ధూర్జటి అయిన భీమేశ్వరుని కాక ఇక ఏదేవతలకూ మోక్కను గాక్క మొక్మను  అనుకొంటున్నాడు .భీమేశ్వరా మన్నించు భక్త పరాదీనా కాపాడు .ఈ కొడుకు చేసిన తప్పులను క్షమించు తండ్రీ ‘’అని ప్రాధేయ పడుతున్నాడు –

గరళ కూటవినీల కంఠాయ శంభవే –మదనాంతకా యోం నమశ్శివాయ

ఆదర వేయాది గ్రైవేయ భూషయ –మధు భిత్సహా యొం నమశ్శివాయ

కుమ్భినీ ధరాసుతా కుచ కుంభ పరిరంభ –మహా లోలుపా యోం నమశ్శివాయ

వేదాది నిశ్శేష విద్యా వధూ మౌళి –మణికలాపా యోం నమశ్శివాయ

గంధ దంతావళజలంధరాం దకాది-విబుధ పరి పంది వాహినీ నిబిడ వర్గ

బంధ ఘోరాం ధ కార సంభార కిరణ –మాలినే శాశ్వతాయోం నమశ్శివాయ ‘’

విషం మింగటం చేత నల్లబడిన కంఠం కలవాడు  మదనాం తకుడు ,వాసుకిని  కంఠాభరణం చేసుకొన్నా వాడు ,విష్ణు మిత్రుడు ,పార్వతీ పరిష్వంగ సుఖా నందాన్ని పొందేవాడు ,వేదాది విద్యల శిరోమనణుల్లా ప్రకాశించేవాడు ,గజాసుర జలంద రాసుర మర్దనుడు, ఓంకార రూపుడు అయిన శివునికి నమస్సులు .అని కీర్తిస్తున్నాడు .ఆ తర్వాతా ఒక పెద్ద దండకాన్ని చెప్పి ఆరాధించాడు .ఈ విధం గా వ్యాసర్షి చేస్తున్న కీర్తన తన్మయత్వాలు ఆనందం తో శివుడు సంధ్యా నృత్యం చేస్తూ అందరికి వినోదం కల్పిస్తున్నాడు .శిష్యులతో ఆ విభూతిని చెప్పుకొని మురిసిపోతున్నాడు వ్యాసుడు .’’పైలమునీ !భీమేశుడు మన పాలిటి కల్ప వృక్షం .సుమంతా !దక్షిణ ఉద్యాన పతి మను సత్ఫలం . జైమినీ!దేవ సార్వ భౌముడు పరమేశ్వరుడు మనకు  ప్రత్యక్షమయ్యాడు .సుమా!దేవలా!సప్త గోదావరి వాసుడు మనవైపు మొగ్గాడు .సుమా!భారతాన్ని నా నుండి విన్న జనమేజయా!వృషభ వాహనుడు పార్వతీ పతి  సంతోషం తో సకల శుభాలను మనకు ఇస్తాడు .ఇక  మనం క్రుతార్దులమయ్యాం ‘’అని వ్యాసుడు ఆనందం తో శిష్యులతో అన్నాడు .దాక్షా రామం లో ఆ ఆనందాను భవాన్ని శిష్యులతో  అనుభవిస్తున్నాడు .

సశేషం

మీ-గబ్బిట దుర్గా ప్రసాద్ -17-11-14-ఉయ్యూరు

 

 

 

1 వ్యాఖ్య

Filed under విశేషాలు